Samarqandda BMT Davlat xizmati forumi o‘tkaziladi
Yurtimizda keyingi yil ushbu forumning o‘tkazilishi haqida O‘zbekiston Respublikasi Prezidenti Shavkat Mirziyoyev hamda BMT Bosh kotibi Antoniu Guterrish bilan o‘tkazilgan uchrashuvda alohida to‘xtalib o‘tildi.
![](https://argos.uz/media/news/photo_2024-07-03_12-04-50_EnWk6cY.jpg)
Eslatib o‘tamiz, BMT Davlat xizmati forumi davlat boshqaruvi salohiyatini rivojlantirish bo‘yicha global tadbir bo‘lib, u quyidagilarni muhokama qilish va o‘rganish uchun unikal platformani taqdim etadi:
-Davlat boshqaruvida paydo bo‘layotgan muammolar, qiyinchiliklar va tendensiyalar;
-Muammolarni hal qilish uchun innovatsion amaliyotlar;
-Barqaror rivojlanishni qo‘llab-quvvatlash uchun davlat xizmati salohiyatni rivojlantirish strategiyalari, yondashuvlari va vositalari.
Forum har yili davlat boshqaruvining muayyan muhim sohasiga eʼtibor qaratadi va uning turli o‘lchovlari, tarkibiy qismlarini yaxlit tarzda o‘rganadi.
2025-yilning 24-26-iyun kunlari bo‘lib o‘tadigan Forum jahon yetakchilari, siyosatchilar, amaliyotchilar, boshqaruv sohasidagi innovatorlar, xalqaro va mintaqaviy tashkilotlar, ilmiy doiralar, notijorat tashkilotlar va xususiy sektor vakillarini birlashtiradi.
Lavhani ko‘rish