Давлат идораларида давлат фуқаролик хизматчиларининг ҳуқуқ ва қонуний манфаатларига риоя этилиши ўрганилмоқда

Президент ҳузуридаги Давлат хизматини ривожлантириш агентлиги томонидан 2024 йилнинг 9 ойида давлат фуқаролик хизматчиларининг ҳуқуқлари ва қонуний манфаатларига риоя этилиши билан боғлиқ ўрганишлар ўтказилди ва қатор таъсир чоралари қўлланилди. 

◽️Таҳлилларга кўра, ўрганишлар давомида:

– 788 та ҳолатда танлов ўтказиш тартибига амал қилинмаган, 272 нафар фуқаро давлат фуқаролик хизмати лавозимларига танловсиз ишга қабул қилинган ҳамда 7 та ҳолатда кадрлар бўйича раҳбарлик лавозимига номзод Агентлик билан келишмасдан тайинланган;
– 644 нафар давлат фуқаролик хизматчисининг меҳнатига ҳақ тўлашда уларнинг ҳуқуқлари бузилган; 
– 167 нафар давлат фуқаролик хизматчисига меҳнат таътилларини беришда, 96 нафарига нисбатан интизомий жазо чорасини қўллашда, 4 нафар ходимни ишдан бўшатишда қонунчилик талабларига амал қилинмаган; 
– 1438 та ҳолатда инсон ресурсларини бошқаришга оид маълумотлар ва ҳужжатлар “hrm.argos.uz” электрон платформаси орқали шакллантирилмаган.

◽️Ўрганишлар юзасидан:

– 178 та тақдимнома киритилган;
– 236 та маъмурий таклиф берилган;
– 510 та ёзма огоҳлантириш хатлари юборилган.

◽️Кўрилган таъсир чоралар натижасида:

– 87 нафар давлат фуқаролик хизматчисининг меҳнатига ҳақ тўлашда уларнинг бузилган ҳуқуқлари тикланган; 
– 81 та ноқонуний қабул қилинган буйруқ бекор қилинган,
– 21 та ҳолатда Танлов комиссиясининг хулосаси бекор қилинган ва танлов қайта ўтказилган.

Фаолиятида камчиликларга йўл қўйган 101 нафар айбдор шахсга нисбатан интизомий жазо чораси қўлланилган, шундан 14 нафари билан меҳнат шартномаси бекор қилинган ҳамда Камбағалликни қисқартириш ва бандлик вазирлигининг ҳудудий бош бошқармалари билан ҳамкорликда 186 нафар айбдор шахсга нисбатан 340 миллион 800 минг сўм (340,8 млн сўм) маъмурий жарималар қўлланилган. 

Жараён давом этмоқда.

Ҳурматли давлат хизматчиси, сизда ҳам мурожаат бўлса, ушбу — @murojaat_argos_bot га йўлланг!