Давлат органлар ва ташкилотларида инсон ресурсларини режалаштириш бўйича янгича ёндашув жорий этилади
Бухорода халқаро экспертлар иштирокида шу масалада семинар ташкил этилди.
Таъкидлаш жоизки, Президент ҳузуридаги Давлат хизматини ривожлантириш агентлиги томонидан давлат фуқаролик хизматида инсон ресурсларини стратегик режалаштириш тизимини амалиётга босқичма-босқич жорий этиш мақсадида амалий ишлар олиб борилмоқда. Жумладан, Агентлик томонидан “Давлат органларида инсон ресурсларини таҳлил қилиш ва режалаштириш бўйича намунавий йўриқнома” ишлаб чиқилди.
Шунингдек, Германия халқаро ҳамкорлик жамияти (GIZ) билан ҳамкорликда хорижий ва маҳаллий экспертларни жалб этган ҳолда давлат фуқаролик хизматида инсон ресурсларини стратегик режалаштириш тизимини амалиётга жорий этиш бўйича манзилли ишлар олиб борилмоқда.
Бухоро вилоятида ташкил этилган семинар-тренингда маҳаллий ва халқаро экспертлар вазирлик ва идоралар ҳудудий бошқармаларининг кадрлар бўлинмаси масъуллари учун янги тизимнинг мазмун-моҳияти ва кутилаётган натижалари ҳақида маълумот беришмоқда.
