Prezident huzuridagi Davlat xizmatini rivojlantirish agentligi va “Kiberxavfsilik markazi” o‘rtasida o‘zaro hamkorlik Memorandumi imzolandi

Kelishuvga ko‘ra, endilikda tomonlar davlat fuqarolik xizmatchilarining shaxsga doir maʼlumotlari xavfsizligini taʼminlash yuzasidan davra suhbatlari va o‘zaro muhokamalar tashkil etib boradi. 

Axborot va kiberxavfsizlik sohasiga doir yangi texnologiyalar va qurilmalarni ishlab chiqish hamda ularni sinov tariqasida tekshirish bo‘yicha loyihalarni amalga oshirishadi. 

Qolaversa, davlat fuqarolik xizmati sohasida joriy etilgan axborot tizimlarining xavfsizlik talablariga muvofiqligi ekspertizadan o‘tkazib boriladi.