Миробод туман ҳокимлигининг бошқарув ходимлари ва сектор раҳбарлари учун экспресс-тренинг
Президент ҳузуридаги Давлат хизматини ривожантириш агентлиги Тошкент шаҳар филиали раҳбарияти ва масъул ходимлари томонидан пойтахтимизнинг Миробод туман ҳокимлигида экспресс-тренинг ташкил этилди.
Мақсад — тизимда инсон ресурсларини бошқариш, кадрлар салоҳиятини ошириш жараёнини ривожлантириш, ҳокимлик ва сектор раҳбарининг самарали фаолият юритиши учун зарур бўлган билим ва кўникмаларни беришдан.
Тадбир аввалида масъуллар томонидан "Республика ва маҳаллий ижро этувчи ҳокимият органлари ҳамда хўжалик бирлашмалари фаолияти самарадорлигини баҳолаш тизимини такомиллаштириш чора-тадбирлари тўғрисида"ги Фармон мазмун-моҳияти, унда белгиланган вазифаларни амалга ошириш механизмлари тушунтирилди.
Сўнг, бошқарув қарорларини қабул қилиш, жамоада натижадорликка эришиш, шахсий ривожланиш ва фаолият самарадорлигини ошириш каби давлат хизматчилари учун зарур бўлган йўналишларда фикр алмашилди.
