Сирдарёда журналистлар ва жамоатчилик вакиллари учун Пресс-тур ташкил этилди

Тур давомида иштирокчилар Миллий кадрлар захирасига киритилган номзодлар учун ташкил этилган ўқув, давлат фуқаролик хизмати вакант лавозимларига эълон қилинган танловларнинг тест синови ҳамда суҳбат босқичлари жараёнини кузатишди. 

Шунингдек, уларга давлат фуқаролик хизматчилари фаолияти самарадорлигини баҳолаш, уларнинг ҳуқуқ ва қонуний манфаатларини ҳимоя қилиш, Миллий кадрлар захирасини шакллантириш ва юритиш, кадрларнинг салоҳиятини ошириш йўналишларида амалга оширилаётган ишлар юзасидан батафсил маълумот берилди. Иштирокчилар Агентликнинг электрон платформаларини ижобий баҳолашди. 

Тадбир давомида ОАВ вакиллари соҳага оид ўзларини қизиқтирган барча саволларга жавоб олишди.