“Раҳбар аёллар мактаби”нинг навбатдаги мавсуми учун номзодлар сараланмоқда
Давлатимиз раҳбарининг 2022 йил 7 мартдаги “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги ПФ-87-сонли фармонида “Раҳбар аёллар мактаби” ўқув дастурини ишлаб чиқиш ва амалга ошириш белгиланган.
2023 йилдан буён ташкил этилаётган “Раҳбар аёллар мактаби” дастурининг учта мавсумида 144 нафар хотин-қизлар малака ошириш курсларида иштирок этди.
Дастурнинг тўртинчи мавсуми учун давлат органлари ва ташкилотлари томонидан тавсия этилган 300 нафардан зиёд хотин-қизлар рўйхати шакллантирилди. Комиссия томонидан малака талабларига мос келадиган ҳамда тест синовларида етарли балл тўплаган 85 нафар номзод суҳбат босқичига ўтди.
Бугун Давлат хизматини ривожлантириш агентлиги ҳамда Оила ва хотин-қизлар қўмитаси масъул ходимларидан иборат Комиссия томонидан номзодлар билан суҳбат жараёнлари бошланди.
Суҳбат натижаларига кўра, фаолияти ижобий, ташаббускор, ўз соҳаси бўйича билим, кўникмалари етарли 50 нафар хотин-қиз Дастур доирасида малака ошириш имкониятига эга бўлади.
▫️Ўқув дастури жорий йил декабрь ойидан бошланиши режалаштирилган.
