Hamjihatlikdagi ezgu ishda baraka, unum va fayz bo‘ladi
"Yashil makon" umummilliy loyihasi doirasida Prezident huzuridagi Davlat xizmatini rivojlantirish agentligi Toshkent shahar filiali vakillari Abdulla Qodiriy bog‘ida tashkil etilgan “ARGOS bog‘i”da ezgu niyatlar bilan ko‘chat o‘tqazishdi. Tashabbusga Agentlikning Markaziy apparati rahbariyati va vakillari ham bosh qo‘shishdi.
Xayrli ishlarda, hasharlarda birlashish xalqimiz uchun qadriyat. Moʻjazgina joyda 100 tupga yaqin manzarali ko‘chatlar o‘tqazildi. Ular maxsus platformaga kiritildi. Ko‘chatlarning ko‘karishi, yashnashi, bu maskanning yashil bog‘ga aylanishi uchun jamoadoshlar masʼuliyatni bab-baravar o‘z zimmalariga olishdi.
▫️Maʼlumot uchun, ushbu ezgu ishda Agentlikning respublika bo‘ylab barcha filiallari ishtirok etmoqda.
Prezidentimiz taʼkidlaganlaridek, "Yashil makon" — vijdonimiz, bo‘lajak hayotimiz, farzandlarimiz oldidagi masʼuliyatimizdir. (https://t.me/shmirziyoyev/21254)
