Turli darajadagi lavozimlar uchun kadrlar zaxirasi shakllantirilmoqda
zaxira.argos.uz portali ishga tushirildi
Qoraqalpog‘iston Respublikasi Vazirlar Kengashi raisi, viloyatlar va Toshkent shahar hokimlari o‘rinbosarlari, tuman (shahar) hokimi lavozimiga 1167 nafar kadrlar zaxirasi shakllantirildi. Ularning 743 nafari (68%) maxsus tayyorlash dasturida o‘qitildi.
Salohiyatli kadrlar zaxirasi shakllantirildi
Mahallalardagi hokim yordamchilari, yoshlar yetakchilari va xotin-qizlar faollari orasida ijobiy natija ko‘rsatgan 1 000 nafar nomzod saralab olindi. Ular 2 hafta davomida hokimlik va vazirliklarda stajirovka va dublyorlik o‘tadi. 197 nafari Davlat boshqaruvi akademiyasida malaka oshirdi.
Vazirlik va idoralarning 149 ta rahbarlik lavozimlariga 606 nafar kadrlar zaxirasi shakllantirildi.
“Rahbar ayollar maktabi” faoliyati yo‘lga qo‘yildi
O‘zbekiston Respublikasi Prezidentining “Oila va xotin-qizlarni tizimli qo‘llab-quvvatlashga doir ishlarni yana-da jadallashtirish chora-tadbirlari to‘g‘risida”gi PF-87-sonli farmoniga muvofiq Agentlik tomonidan “Rahbar ayollar maktabi” faoliyati tashkil etildi. Dasturning 1-mavsumida 47 nafar, 2-mavsumida 51 nafar, 3-mavsumida 45 nafar tinglovchi ishtirok etdi. 32 nafar tinglovchi yuqori lavozimlarga tayinlandi.
